Ikki sessiya davomida o‘tkazilgan treningda universitet professor-o‘qituvchilari, ilmiy-pedagogik xodimlar, umumta’lim maktablari o‘qituvchilari va talabalar jami 57 nafar ishtirokchi sifatida qatnashdilar. Tadbirning asosiy maqsadi Ispaniyaning Madrid politexnika universitetida (UPM) o‘tkazilgan malaka oshirish tadbirlari davomida olingan bilim va tajribalarni almashish, kasbiy kompetensiyalarni mustahkamlash hamda O‘zbekistonda qayta tiklanuvchi energiya manbalari bo‘yicha ta’limga innovatsion yondashuvlarni keng joriy etishdan iborat bo‘ldi.

Mashg‘ulotlar to‘qqizta asosiy mavzuni qamrab oldi:

1. Muqobil energiya manbalari asosida yangi texnik ishlanmalarni loyihalash.

2. Aqlli quyosh energetikasi texnologiyalari.

3. Shamol energetikasi sohasidagi innovatsiyalar.

4. Gibrid qayta tiklanuvchi energiya tizimlari.

5. Aqlli energiya boshqaruvi texnologiyalari.

6. Atrof-muhitga ta’sir va barqarorlik masalalari.

7. Hayotiy siklni baholash (Life Cycle Assessment — LCA).

8. Quyosh panellari va akkumulyator batareyalarini qayta ishlash hamda qayta foydalanish.

9. Barqaror ishlab chiqarish amaliyotlari.

Trening bilim va tajriba almashish imkoniyatini yaratdi, ishtirokchilarning amaliy ko‘nikmalarini rivojlantirdi hamda O‘zbekiston oliy ta’lim tizimiga barqaror energetika texnologiyalari va zamonaviy ta’lim yondashuvlarini integratsiya qilishni qo‘llab-quvvatladi.