Bugun Erasmus+ KA2 Capacity Building loyihasi — “O‘zbekistonda Quyosh energetikasi bo‘yicha bakalavrlar uchun maqsadli ta’lim dasturini ishlab chiqish (DEBSEUz)” doirasidagi 10-onlayn uchrashuv muvaffaqiyatli o‘tkazildi.

Uchrashuvda O‘zbekiston va Yevropadagi hamkor universitetlar hamda tashkilotlar ishtirok etib, loyiha doirasidagi muhim faoliyatlar va kelgusidagi rejalarni muhokama qilish uchun samarali platforma yaratildi.

Sessiya davomida ishtirokchilar quyidagi masalalarga alohida e’tibor qaratdilar:

🔷 Quyosh energetikasi yo‘nalishi bo‘yicha yangi bakalavr ta’lim dasturlarini ishlab chiqish va joriy etish,

🔷 qisqa muddatli o‘quv va malaka oshirish kurslarini tashkil etish,

🔷 laboratoriyalar va ilmiy-tadqiqot markazlarini tashkil etish,

🔷 loyiha sifatini monitoring qilish va baholash,

🔷 hamkor tashkilotlar o‘rtasidagi hamkorlikni mustahkamlashga qaratilgan disseminatsiya (tarqatish va targ‘ibot) faoliyatlari.

🌿 Mazkur uchrashuv O‘zbekistonda qayta tiklanuvchi energiya sohasidagi ta’lim va ilmiy tadqiqotlarni rivojlantirish yo‘lida yana bir muhim qadam bo‘ldi.

📍 Muhammad al-Xorazmiy nomidagi Toshkent axborot texnologiyalari universiteti
📅 2026-yil 6-mart